Pyllait u Myntri ia ka pansngiat na ka bynta ka jingiakop Miss Universe Meghalaya
U Myntri ka Tnat Tourism ka sorkar Jylla u Bah Paul Lyngdoh u la pyllait paidbah ia ka Pansngiat na ka bynta ka jingiakop “Miss Universe Meghalaya” ka ban sa long shen ha ka nongbah Shillong kum u Kongsan ha ryngkat u Commissioner & Secretary ka Tnat Arts & Culture u Bah FR Kharkongor ha ka jingialang kaba la long ha ka 15 tarik Jymmang ha Vivanta, Khyndailad.
Ha kane ka prokram ba la pyniaid da ka Miss Meghalaya Organisation la ia don lang ruh u Director of Operations & Marketing for Miss Universe India, u Amjad Khan, ka Arshina Sumbul ka ‘Miss Grand International India 2023’ bad ka Sophiya Singh kaba dei ka ‘Miss Asia Pacific India 2024.’
![](https://www.syllad.com/wp-content/uploads/2024/09/JIT-Vacancy-823x1024.avif)
Haba kren ha ka jingialang u Kongsan u la pynpaw ia ka jingkmen ban iohi ba kum kine ki jingiakop thei bhabriew bad ki rynsan pyni riam ki la nangkiew shaphrang ha ka Jylla. U l pynpaw ruh ha halor ki sienjam kiba ka sorkar ka la shim na ka bynta ban aijingkyrshan bad ban kyntiew ia ki sap ki phong ki samla ka Jylla khamtam ha kaba iadei bad ka tem ka put, ka rwai ka siaw kumjuh ha ka jingpynmih ia ki riam tynrai khnang ba kin ioh ia ka jingithuh hapoh ka ri bad shabar kumjuh.
Katba na ka liang u Symbud Kongsan ha ka jingkren u la iai ban halor ka jingkut jingmut jong ka Jylla na ka bynta ban kyntiew ia ki sap ki phong jong ki samla ha ki bynta bapher bapher.
Kumjuh na kal iang u Amjad Khan ula ong ba kane ka jingsdang kan plielad na ka bynta ki thei samla kiba tbit ba kin pyni iala ka sap ka phong da kaba sdang na la ka jong ka Jylla. Ha ki snem kiba la leit noh u la ong ba ki nongiashim bynta ki hap ban leit sha kiwei pat ki jylla na ka bynta ban iakhun ia ka Audition watla kam shym la don kano kano ka jingkular ba kin shah jied kaba la kylla long ruh kum ka jingpynlutkai ia ka por bad ia ka bor hynrei mynta kila ioh ia ka lad ban iakhun hi hala ka jong ka jylla.
Leave a Reply