Pyllait u Myntri Rangbah ia ka kot kaba wad bniah halor ka Niam Khasi

Syllad | The Rising MeghalayaDecember 6, 2024

U Myntri Rangbah ka Jylla u Conrad K Sangma ha ka 5 tarik u Nohprah u la pyllait paidbah ia ka kot kaba kyrteng ‘A Sociological Study of The Khasi Religion’ kaba la thoh da ka Dr. Sharalyne Khyriemmujat bad ia kaba la pynmih da ka Cambridge Scholars Publishing House ha ka jingiadon lang u CEM ka KHADC u Bah Pyniaid Sing Syiem.

Kane ka kot ba la pyniaid shakhmat da u Syiem ka HIma Khyrim kadei ka jingpule bniah shaphang ka Niam Khasi bad ka jingngeit tynrai jong u Khasi.

Ha ka jingpyllait ia kane ka kot, u Myntri Rangbah u la ai khublei ia ka Dr Sharalyne halor ka jinglah ban thoh bad ban pyllait paidbah ia kane ka kot.

Na ka liang ka Dr Sharalyne ka la pynpaw ka jingsngewnguh ia u Myntri Rangbah ka Jylla uba la pyllait ia kane ka kot kumjuh ruh ia u CEM ka KHADC uba la aijingkyrshan na ka bynta ban pynmih ia kane ka kot.

Ka Dr Sharalyne Khyriemmujat ka dei ka Assistant Professor jong ka Department ka Sociology, Shillong College. Ka la ioh ia ka PhD na ka skulbah North Eastern Hill University, halor ka phang “A Sociological Study of Ka Niam Khasi”.