Pynbeit iaid kali ka tnat pulit ka EKH ha ki thain Polo

Syllad | The Rising MeghalayaApril 17, 2024

Na ka bynta ka jingiaid beit ha ka jingpynlong ia ka ilekshon MP Lok Sabha 2024 bad ban pyllait na ka jingdheng kali ha ki thain Polo na ka bynta ki kali ba wan buh ia ki kor EVM hadien ka sngi thep, na ka liang ka ophis u Superintendent of Police ka East Khasi Hills kala pynbeit ia ka rukom iaid kali ka ban sdang naduh ka 5:30 baje janmiet ha ka 19 tarik mynta u bnai.

Katkum kane ka jingpynbeit yn ym shah ban rung kali na Mawroh Tri-Junction sha Golf Tri-Junction bad ki kali ki dei ban iaid shaka thain FCI -Lawmali-Polo. Ym shah ban rung na lad Tiara Restaurant sha Golf Tri-Junction bad ki kali kidei ban iaid sha Pynthorumkhrah.

Ym shah ban rung na Golf Club sha Polo, ki kali ki dei ban iaid sha Golf Tri-Junction- Mawroh/Shyiap. Ym shah ban rung na lad Lumjingshai sha CRPF hynrei ki kali ki dei ban iaid sha Lawmali-Polo. Ym shah ban rung na lad Lumjingshai sha Forest Colony hynrei ki kali ki dei ban iaid sha Lawmali-Polo.

Nalor kata la pynbeit ruh ban ym shah ban rung na 4th Furlong sha Polo Point hynrei ki kali kidei ban iaid sha lad iing u Chief Secretary.Ym shah ban khun sha kamon na Polo Point iaki kali ba wan na lad Lawmali hynrei ki kali ki dei ban iaid sha lad Green Hills.

La khang ruh ban phai sha ka mon na lad Matri Mandir iaki kali ba wan na lad Green Hills hynrei ki kali ki dei ban iaid sha 4th Furlong.Nalor kane la kyntu ba ki kali ha heh (Heavy Motor Vehicles) kim dei ban iaid haki thain Polo naduh ka 17 haduh 19 tarik Iaiong 2024.

Ha kajuh ka por la kyntu ia ki paidbah ban kiar ban iaid sha ki thain Polo naduh 5 baje janmiet ha ka 19 tarik Iaiong 2024. Nalor kata la kyntu ruh ia ki paidbah ban kiar pynieng kali ha ka 18 bad 19 tarik Iaiong 2024 ha ki thain Polo.