Pynbiang iaki line phone bad internet ong ka HANM

Syllad | The Rising MeghalayaJuly 27, 2020

Ka Hyniewtrep Achik National Movement (HANM) ka la dawa na ka sorkar ba kan shimkhia ban phah pynbiang iaki line ne network mobile phone ha ki shnong kiba don sha ki jaka ba kham kyndong ha East Jaintia Hills District.

Ka HANM kala ong ba line phone bad ka internet ka thud ha kiba bun ki shnong ha East Jaintia Hills bad kane ka buh jingeh iaki khynnah skul ba ki hap ban shong klas online.

“Ha kiba bun ki shnong ki paidbah ki pyndonkam iaka company Jio, hynrei ka jingthud ka network kala buh jingeh iaki khynnah skul bad wat iaki nongkhaii kiba pyndonkam daka internet ban khaii pateng,” ong u Publicity Secretary HANM Ladrymbai circle Lektor Dkhar bad ula ong ba ka sorkar ka dei ban bthah iaki company baroh ban pynbiang iaki network ban nym shah ktah ki khynnah ha kum kane ka por ka saw ka sain ka jylla ba hap ban khang khyrdep iaki skul ban iakhun iaka khlam coronavirus.