Pynbna biang ka Congress sa 2 ngut ki kyrtong sha ka elekshon MDC

Syllad | The Rising MeghalayaJanuary 21, 2025

Ka Congress ha ka 20 tarik Kyllalyngkot ka la pyllait biang ia ka thup kaba saw jong ki arngut ki kyrtong ki ban mih iakhun ha kane ka elekshon MDC sha ka KHADC bad JHADC ka ban long ha ka 21 tarik u Rymphang.

Na ka bynta ka KHADC ka party ka la rai ban pyniakhun da u Bah Tailin Lyngdoh na Pariong Mawthadraishan katba na JHADC la rai ban pyniakhun da u Bah Jesperson Bamon napoh Sutnga Narwan constituency.

Kat haduh mynta ka Congress ka la dep pynbna ia ki 47 ngut ki kyrtong sha ka elekshon sha kine ki artylli ki ADC, kata kaba kynthup ia 20 ngut na ka bynta ka JHADC bad 27 ngut sha ka KHADC.