Pynbna biang ka NPP ia ka thup kyrteng ki 7 ngut ki kyrtong sha ka elekshon MDC

Syllad | The Rising MeghalayaJanuary 12, 2025

Ka party liang synshar, ka National People’s Party (NPP) ha ka 11 tarik Kyllalyngkot ka la pyllait biang ia ka list kaba ar jong ki hynniew ngut ki kyrtong ki ban mih ia aireng ha kane ka elekshon MDC ki Autonomous District Council (ADC) ka ban long ha ka 21 tarik Rymphang 2025.

Kane ka thup kyrteng ka kynthup ruh ia u MLA Bah Sosthenes Sohtun na Jirang bad u MLA barim u Bah Samlin Malngiang na Sohiong.

Kiwei pat ki kyrtong ki kynthup ia ka Dr Amanda Annete Pakyntein – Mawkynrew, Joplin Sten – Mawhati, Elias Kharbihkhiew – Sohryngkham Mawryngkneng, Sharailang Warjri – Mawthadraishan bad Bah Kordor L Nongkynrih – Mawkhar Pynthorumkhrah.

Ka NPP haduh mynta ka la dep ban pynbna haduh 45 ngut ki kyrtong ki ban ia aireng ha kane ka elekshon ka ban wan, kata kaba kynthup ia 25 ngut ki ban ia aireng sha ka Khasi Hills Autonomous District Council (KHADC) bad 20 ngut sha ka Jaintia Hills Autonomous District Council (JHADC).