Pynbna containment area iaka Panaliar Jowai, sar ka khlam COVID-19 kylleng ki shnong West Jaintia Hills

Syllad | The Rising MeghalayaMay 11, 2021

U District Magistrate, West Jaintia Hills District ula pynbna containment area iaka shnong Panaliar, Jowai hadien bala sar ka jingiabit khlam COVID-19 haka sngi ba Ar.

Ia kane ka hukum la pynmih hadien ba bun ki case ki positive COVID-19 cases/high risks contacts haka shnong Panaliar, Jowai. La lap ba bun kiba don jingma bad kine ki donkam kyrkieh ban shong kset ha iing, ban pyndep iaki test khnang ban tem iaka jingpur ka khlam COVID-19.

Kane ka khlam kala pur ruh haka shnong Dulong, Iongpiah bad kiwei kiwei ki shnong ba marjan hapoh sor Jowai.

Katkum ka hukum la pynbna ym bit iano iano ban rung ban mih klumar naka Containment Area bad baroh la bthah ia baroh ki nongshong shnong ka Panaliar ban kin shong ppynkyrpang ha iing tad haduh bala pynbna da kuwei.

Ki kali kiba iaid ba ieng man ka sngi na shabar ka containment area kum ka Chyrmang Iongnoh ba  kim bit ban sangeh ha shiteng lynti ha Containment areas ne ha shnong Panaliar.

Shuh shuh nakaliang u Deputy Commissioner, West Jaintia Hills, u Garod LSN Dykes ula kyntu iaki nongshong shnong ka Jowai ban pyndep iaka test COVID-19.

Ula ong ruh ba ka khlam kala saphred sha ki shnong ki thaw ha kylleng ka sor Jowai bad ban jur bad pynshlur iaki paidbah ban test COVID-19 khnang ban lah ban tem iaka khlam.

U kubur ruh ba mynta ka dei ka aiom khieh shohrih, synrum, jyrhoh hynrei ka donkam ia ki nongshong shnong ban phikir bad ban phah test ialade khnang ban lah ban tem iaka jingpur ka khlam COVID-19.

Kine harum ki active case ha kylleng ka West Jaintia Hills: