Pynbna containment areas ïaka Darrang, Shnongpdeng, Dawki bad kiwei

Syllad | The Rising MeghalayaApril 14, 2021

U Sub-Divisional Officer (C) Amlarem Sub Division, Abhilash Baranwal, IAS haka sngi ba Ar ula pynbna containment areas iaka Shnongpdeng, Darrang, Kongwang, Lymba, Dawki, Bakur ban wad ia ki briew kiba don jingma na ka khlam Covid-19 bad ban tem iaka jingpur u khniang ha katei ka thain bad ka district.

Katkum ka hukum la khang ban rung ban mih klumar sha kine ki shnong naduh ka shiteng synia 14 tarik Ialong tad haduh bala pynbna da kumwei.

La khang ïaka Dawki PHC hadien ba ïabit khlam COVID-19 haduh 13 ngut na Darrang

Nalor ki shnong la pynbna containment naduh na Entry Points ne jaka rung na Dawki Amlarem Jowai road- Shnongpdeng, Dawki Boating Point bad Dawki PHC shaduh Tamabil.

Ka khaii pateng bar ri kan iaid beit bad la bthah iaki kali ba kim bit ban sangeh shiteng lynti bad ki dei ban iaid beit sha kad khaii. La khein ruh iaka Ophis Land Custom Station, Tamabil kum ka ophis ba donkam bad la bthah ia baroh ban bud ryngkhi iaki adong adit Covid-19.