Pynbna Containment Zone ha ki ar shnong kiba hap ha Jongksha, Mawkynrew Block

Syllad | The Rising MeghalayaMay 4, 2021

Ka District Magistrate, East Khasi Hills District haka sngi Nyngkong katkum ka Epidemic Diseases Act, 1897 bad ka Meghalaya Epidemic Diseases, COVID-19 Regulations, 2020 kala pynbna iaka shnong Wahshnong, Nongshiliang kiba don ha Jongksha kaba hap ha Mawkynrew C&RD Block kum ka Containment Zone bad la pyrkhing ruh iaka jingrung jingmih klumar ki briew na kitei ki shnong ba shah ktah haka khlam COVID-19.

Ka District Magistor kala pynbna ia kane ka hukum hadien bala ioh iaka kaiphod na u Block Development Officer, Mawkynrew C&RD Block bad Medical Officer ba dei khmih iaka Jongksha PHC ba don kiba shah ktah haka khlam COVID-19 kiba la test positive kila iakynduh ia bun ngut ki briew ha kine ki shnong, khlem da bud ryntih iaki adong adit ka khlam COVID-19.

Kumta ban pyndep buddien ia kiba shah ktah bad ban pyndep iaki test la ka magistor kala pynmih ia kane ka hukum containment ban the lakam iaka jingpur ka khlam ha kine ki ar shnong.

Ka hukum kam shah iano iano ban rung ban mih na kitei ki shnong ba shah ktah bad la bthah ba kin shong khop ha iing.

Baroh ki dukan dukdoh la hukum ba kin khang katba dang pynjari iaka Zontainment Zone

U Block Development Officer, Mawkynrew C&D Block u peit bad pynthikna ba ki paidbah kin bud ryntih iaka hukum bad kino kino kiba pynkhein iaka hukum kin ngat haka jingshah pynsaja katkum ka kyndon jong ka Disaster Management Act, 2005 and IPC.