Pynbna ‘containment zone’ haki 5 jaka ha sor Jowai

Syllad | The Rising MeghalayaOctober 29, 2020

U District Magistor, West Jaintia Hills District haka sngi Palei ula pynbna ‘containment zone’ haki san jaka ha Jowai hadien bala pur ka jingiabit pang khlam COVID-19.

Ki jaka kiba la pynbna containment zone ki long harum:

Ladthadlaboh.
Caroline Colony.
Dongmihsngi.
Lumpariat.
Moosalyngkat.

Ka hukum u district magistor kala khang pyrshah ban rung ban mih klumar sha kine ki jaka kiba la shah ktah ha ka jingpang COVID-19 naduh shiteng synia jong ka 29tarik Risaw 2020 haduh bala pynbna da kumwei.

Ia kane ka hukum la pynmih da u District Magistor hadien ba rekomen u District Medical & Health Officer, West Jaintia Hills hadien ka jingdon ki nongshong shnong kine ki shah ktah haka jingpang COVID kiba donkam ban test bad buddien bad ban shongset ha iing ban tem iaka jingpur ka khlam jingpang COVID haka district.