Pynbna ka ASSA ban sdang iaka lympung upper bad lower division

Syllad | The Rising MeghalayaNovember 1, 2024

Ka Amlarem Sub Divisional Sports Association (ASSA) kala pynbna paidbah ba kan sdang iaka lympung ialehkai Upper Division bad Lower Division Football League naduh ka 4 tarik Naiwieng ha madan Mini Stadium Ladjaplem, Amlarem.

Haka Upper Division la don 16 tylli ki kynhun ba la phiah haki 4 tylli thup, katba haka Lower Division ki kynhun ki don 24 bad la phiah iaki 8 thup.

Haka 4 tarik Naiwieng ka jingialehkai haka kyrdan Upper Division kan long hapdeng ka YSWC Thangbuli bad TSCD Moosakhia haka por 2.30 baje nohphai sngi.

Katba haka kyrdan Lower Division kan long hapdeng ka Nongtalng Chongthmai bad Amlari Model haka por 10.15 baje mynstep. Ka CSC Krangpamtadong bad Iatyllilang Amsalang haka por 11.40 baje mynstep bad Ammutong Pyrshang bad TSC Jong U Shen haka por 1.00 baje mynsngi.