Pynbna ka Dorbar Soo Langdoh ïaki tarik Behdeiñkhlam

Syllad | The Rising MeghalayaDecember 8, 2019

JOWAI: Kum ba julong manla u snem ka Dorbar Soo Langdoh la pynlong ïaka mynta ka Sngi U Blei ha madan Lariang, Madan Soo Langdoh, Ialong bad ha kane ka sngi la pynbna paidbah ïaka tarik lehniam Behdieñkhlam jong u snem 2020 hapoh ka Elaka Jowai.

Ka Behdienkhlam kaba nyngkong eh kan long jong u Langdoh Kongwasan, Raij Chyrmang bad la buh sngi ba kane ka Behdieñkhlam kan long haka 25 Iaiong 2020.

Ka Behdeiñkhlam kaba ar kadei jong ka Seiñraij Jowai kaban long haka 08 Naitung 2020.

Ka Behdieñkhlam jong ka Seiñraij Tuber kan long haka 24 Naitung 2020 bad ka Behdieñkhlam ka Seiñraij Ialong kadei haka 09 Nailar 2020.

Ha kane ka Dorbar Soo Langdoh kaba long ha madan Lariang la ïadonlang u Dolloi ka Elaka Jowai u ma Puramon Kynjing, ki Langdoh na kitei ki Saw Raij bad kynthup ïaka Chyrmang, Tuber, Jowai bad ka Ialong.

La iadonlang ruh ki President bad ki Secretary jong ki seiñraij bad kiwei kiwei bad u riewngeit jong ka niam tynrai. Ïaka jingïalang la pyniaid da u Pator u ma Raymond Nartiang.

Hadien bala dep pynbna ïaka tarik Behdieñkhlam, u Dolloi ula suit ula shor bad ai ka nguh ka dem ïaki blei ki syiem ban kin ïada ïa u nongshong shnong bad u bar shnong bar raij ban ioh ïa ka shongsuk shongsaiñ hapoh ka Elaka baroh kawei.