Pynbna ka JTDA ban long dkhot ba pura baroh ki driver kin hap siew bai rung

Syllad | The Rising MeghalayaOctober 1, 2024

Ka Jaintia Truck Driver’s Association (JTDA) haka 30 tarik Nailur kala pynlong iaka jingialang General Meeting ha Ialong, West Jaintia Hills District bad kala shim ruh iaka rai ba baroh ki driver ne ki nongniah trok kiba kwah rung dkhot kin hap siew iaka bai rung.

Ha kane ka jingialang, la iadonlang u president Hamedahun Niang, u general secretary Wanshanbormi Laloo uba la pynsngew iaki mat treikam jong ka seng bad pule ruh iaka constitution jong ka seng. Iaka jingialang la pyniaid da u vice president Richardson Rabon.

Ha kane ka sngi la jied ruh ia kiwei ki nongkitkam kiba kynthup ia u organizing secretary u Ngaitmon Langbang; asstistant secretary Nyngkong War bad office secretary Ablestar Talang.

Shuh shuh haka jingialang la rai ban ai daki form shaki driver kiba rung dkhot bad ruh ban ai da ka ID iaki ba la long dkhot ba pura bad ka bai rung dkhot ka long 500 tyngka marwei haka shi snem bad iaki form lah ban ioh ha ophis treikam ka seng.

Nalorkata la rai ruh ban buh iaka ophis treikam jong ka seng ha Jowai by pass. Ha kajuh ka por la rai ruh ban lum synniang haka dor 50 tyngka kawei ka truck na ka bynta ban pynmih fund ban pyntyllun iaki kam jong la seng.