Pynbna ka KHNAM ia ki 8 ngut ki kyrtong sha ka elekshon MDC na Rilum Khasi

Syllad | The Rising MeghalayaDecember 5, 2024

Ka Central Executive Committee jong ka seng sain pyrthei Khun Hynniewtrep National Awakening Movement (KHNAM) ha ka 5 tarik u Nohprah ka la pynbna ia ka thup kaba nyngkong jong ki 8 ngut ki kyrtong ki ban ia aireng ha kane ka elekshon MDC ka ban wan sha ka iingdorbar thawain ka Khasi Hills Autonomous District Council (KHADC).

Ka KHNAM ka pyntip ruh ba ia kane ka thup jong kine ki kyrteng la ai jingmynjur da ka State Election Committee.

Kine ki kyrtong ki ban mih ia aireng ha kane ka elekshon MDC ka ban wan sha ka iingdorbar thawain ka KHADC ki kynthup ia u Working President ka KHNAM u Bah Thomas Passah na Jaiaw, u Bah Joseph H Pyngrope na Sohryngkham, u Bah Pynshai Mawrie na Mawkynrew, Bah Banplieborlang Mawroh na Langkyrdem-Laitkroh, Bah Peter Challam na Laitumkhrah-Malki, Bah Raymond Basaiwmoit na Mawkhar-Pynthorumkhrah, Bah lasuklang War na Shella bad u Bah Baristar Poul Thyrniang na Mawkyrwat.