Pynbna ka MBA ia ki rang bad thei ia kura ki ban mihkhmat sha ka ‘NE Olympic Games’ bad ‘National Boxing’

Syllad | The Rising MeghalayaMarch 7, 2024

Ka Meghalaya Boxing Association (MBA) ka la pynbna ia ka kyrteng jong ki rang bad ki thei ia kura ki jong ka ki ban leit mihkhmat ia ka jylla sha ki artylli ki rynsan iakhun kiban long mynta u bnai.

Ha kane ka kynti, ka MBA ka la dep ba kan jied ia la ka kynhun  kaban leit ha kaban aireng sha ka “3rd North East Olympic Games” kaban long ha Nagaland naduh ka 18-23, bad ia kawei pat ka kynhun kaban  leit ha kaban aireng sha ka “3rd Sub Junior Boy’s &  Girls National Boxing Championship” kaban long ha Noida, Uttar Pradesh naduh ka 18-25 tarik mynta u bnai.

Haba iadei bad ka kynhun kaban aireng sha ka North EAst Olympic Games, na ka liang u Head Coach ka kynhun u bah Larry Kharpran u pyntip ba ka jingjied ia kine ki rang bad ki thei ia kura ka long da kaba pynshong nongrim tang ia kito kiba la ioh ban khur ia ki takma ksiar ha ka por ba ki la kiew rynsan ban iakhun ha ka Meghalaya Games kaba la long ha u bnai Kyllalyngkot mynta ka snem ha Tura.

Hynrei watla katta ruh ka la don biang ka jinglum biang ia baroh ki rang bad thei ia kura sha ka jingpyrshang (selection trial) kaba la sdang naduh ka 29 tarik u bnai Rymphang u ba la dep.

Ki kyrteng jong ki nongiakura kiba ka MBA ka la pynkhreh ban mihkhmat ia ka jylla sha ka 3rd North East Olympic Games ka ban long ha Nagaland mynta ka kynti ki long,  na ka liang ki shynrang ki kynthup ia u Sanjeev Maskut  (46-48 Kg), Khrawbok Marwein (48-51 Kg), Banjop Nongkhlaw (51-54 Kg), Sunil Limbu (54-57 Kg), Ram Lyngdoh (57-60 Kg), Badonkupar Synnah (60-63 Kg), Bhalang Shadap (63.5-67 Kg), Balnas Sangma (67-71 Kg), Malcolm Rani (71-75 Kg), Bansaltesh R Sangma (75-80 Kg).

Haba phai pat sha ka liang ki kynthei kiba la shah jied ban mihkhmat sha kane ka jingiakop ki kynthup ia ka Veronica Sohshang (45-48 Kg), Shreena Thapa (48-50 KG), Mellina Basaiawmoit (50-52 Kg), Banisha Makri (52-54Kg), Reetika Sarki (54-57 Kg) bad Rishisha Lyngdoh (57-60 KG).

Nalor u bah Larry kum u Head Coach ia kane ka kynhun un ia don lang u bah Jimmy B Shadap kum u Asst Coach bad u bah Dondor Marwein kum u Manager.

Haba phai pat sha ka kynhun ka ban leit ba kan aireng sha ka “3rd Sub Junior Boy’s & Girls National Boxing Championship” kaban long ha Noida, ki rang ia kura kiban mihkhmat ia ka jylla ki long u Arki Menbha Ramen (35-37 KG), Kyrshan Swer (37-40 Kg), Ethaniel Nongkhlaw (40-43 KG), Karan Sunar (43-46 KG), Banrapkupar Syiem (46-49 KG), Lewanki Pakma (49-52 KG), Disrang Sangma (58-61 KG).

Katba  na ka liang ki kynthei pat kiba la shah jied ki long ka Naphisakmen Sohtun (31-331 KG), Isawanbiang Nongsiej (35-37 KG), Badahun Syiemiong (37-40 KG), Dolcy Diengdoh (40-43KG) Deiti Lunia Sun (43-46 KG), Dahunshiusha Kharkongor (46-48KG), Priyanka Thapa (58-61 Kg).

Ki san ngut ki nongialam ia kane ka kynhun ki kynthup ia u bah Pynskhem L. Nonglait, u bah Batiplang Nongkhlaw, bah Balamphang Nongkhlaw, bah Uranus Kharsati,  katba u bah Daniel W. Marbaniang un leit ban don bynta kum u Referee bad Judge jong kane ka jingiakob