Pynbna ka Nazareth Hospital bala sdang iaka jingsumar UBE ba iadei bad ka jingpang budlum

Syllad | The Rising MeghalayaAugust 22, 2024

Ka Nazareth Hospital, Shillong ka la pynbna ka la sdang iaka jingsumar Unilateral Biportal Endoscopic Surgery (UBE) na ka bynta ki jingpang ba iadei bad ka jingpang budlum kiba kynthup iaka slip disc, spondylosis, spinal stenosis bad kiwei.

Ia kane la pynbna haba kren bad ki nongthoh khubor ha conference hall jong ka Nazareth Hospital, Shillong, ha kaba la donlang u Dr. Frankie Shadap Siangshai MS MCh Neurosurgery, Department of Neurosurgery, Nazareth Hospital, u Dr. Gordon Rangad MS, Chief Medical Officer (CMO), Nazareth Hospital, u Dr. Jayanta Kr Das MS, Senior Consultant, Department of General Surgery, Nazareth Hospital bad ka Noreen Thomas, Administrator, Nazareth Hospital.

U Dr. Siangshai u la ong ba ka jingwanrah ia ka Unilateral Biportal Endoscopic Surgery ha Nazareth Hospital ka pyni ia ka jingkylla haka jingsumar iaka jingpang budlum kaba lah ban pynkoit noh kloi ia ki nongpang. U la ong ruh ba ha ki por mynshwa, kane jingpang hap ban leh da ka open surgery kaba pynlong ia ki nongpang sah slem ha hospital bad khamslem ban ioh iaka jingkoit, bad ka dor jong ki dawai ruh ka long kaba heh kaba wanrah ruh shibun ki jingeh

U Dr. Siangshai u la pynpaw ba ka UBE ka don shibun ki jingmyntoi, kynthup ban ioh iaka jingkoit kaba kloi, ka jingduna ka jingmong ha ka met, bad ka jinglah ban leh ia ka jingtrei kaba kham bniah, kaba pynbha shibun ia ka jingkoit jong ki nongpang. Ha kaba iadei bad ka dor jong ka UBE surgery, u la ong ba ka dor kan long kaba lah ban siew da ka MHIS ne ki nongpang kin hap ban siew tang T. 20,000 ne T. 30,000.

Shuh Shuh u Dr. Jayanta Kr Das MS, Senior Consultant, Department of General Surgery u la ong ruh ba lyngba ka advance laparoscopic surgery, la lah ruh ban sumar iaka jingpang bampong ne ka cancer kum ka jingpang bampong ha u pdot, kpoh, snier bad kiwei ha kaba ka jingsumar ka long kaba duna ka jingpang bad ka jingkoit u briew ne ka briew ka long kaba kloi. Ula pyntip ruh ki leh iaka gasless laparoscopic surgery na ka bynta gall bladder bad pla khun.