Pynbna ka PDF ïaki kyrtong MDC ha Khasi Jaiñtia; lai ngut ki longkmie kynthup ka kurim u Myntri Ïalehkai

Syllad | The Rising MeghalayaFebruary 3, 2019

SHILLONG: Ka People’s Democratic Front (PDF) kala pynbna ïaki kyrtong MDC ban aireng sha ka elekshon haka ïing Dorbar Thawaiñ jong ka KHADC bad JHADC ka ban long ha u Rymphang 27 tarik une u bnai.

Ka kurim u Bah Banteidor Lyngdoh, Myntri Sorkar Jylla ba dei peit ia ka tnad Sports and Youth Affairs, Agriculture) ka Kong Amanda Annette Pakyntein kan ïakhun na Mawkynrew Constituency.

Da ka jingïkhun ka kong Amanda Pakyntein na ka PDF, ka PDF ka la sei lai ngut ki longkmie ba kynthup ïaka Kong Macdalyn S Mawlong, ka hynmen u Bah Jason Mawlong, MLA ka PDF na Umsning Constituency bad ka Kong Teilinia S Thangkhiew, MDC ka Mylliem Constituency.

U Bah Patboone Syngkli yn ïakhun na Nongpoh Constituency.

Na Rilum Jaiñtia ki kyrtong kiba la pynbna ka PDF ki kynthup ïa u Timing Lyngdoh u ban ai reng na Mynsngat-Khanduli bad u Manbha Lyngdoh na Muthlong-Sohkymphor.