Pynbna ka Seinraij Jowai 5-6 tarik Iaiong yn pynlong iaka Chad Sukra, kynriah jaka na Iongpiah sha Tpeppale

Syllad | The Rising MeghalayaApril 1, 2025

Kumba ju long man la u snem mynta ka kynti ruh, ka Seinraij Jowai kan pynlong iaka Chad Sukra 2025 halor ka phang “Ah Bei Ah Bei Rymaw, Yi cha Bei ka Nongkylliang”, ka ban sdang haka 5 tarik bad 6 tarik Iaiong.

Ia kane la pynbna da u president ka Seinraij Jowai Ma Hercules Toi haka jingiakren bad ki lad pathai khubor haka 31 tarik Lber.

Ka Chad Sukra ka dei ka tamasa kaba ju lehkmen hashwa ka aiom bet symbai. Kadei ruh ka jinglehkmen ban ainguh aidem iaka mei mariang namar ki jingkyrkhu ba kala ai ia u khun bynriew ha sla pyrthei.

U Ma Toi ula pyntip ba ha une u snem iaka Chad Sukra kaba ju pynlong ha madan Mynkoi Pyrdi Iongpiah la rah noh sha madan Ryngkaw kaba don ha Tpep Pale khnang ban suk ki nongiashim bynta namar ka jingheh ka madan bad biang ki jaka shong na bynta ki nongwan peit kai.

Pynrem ka Seinraij Jowai iaki ar ngut kiba pynmong iaka jingsngew ki khun ka Niamtre