Pynbna ka shnong Moodymmai iaki kyndon ialap election

Syllad | The Rising MeghalayaJanuary 30, 2023

Ka Dorbar shnong Moodymmai, ka shnong kaba hap ha Nartiang Constituency kum shi bynta ban pynneh pynsah ïaka khuid ka suba bad shongsuk shongsaiñ hapoh ka shnong ka thaw ka la pynbna paidbah ïaki kyndon na bynta ka Election MLA 2023.

Ka dorbar shnong ka la rai ba baroh ki jingïalang ïalap Election jong ki candidate hapoh ka shnong yn pynïaid da ka Dorbar shnong.

La shah tang 30 ngut ki nongkyrshan kiba nabar ka shnong Moodymmai ban wan haka jingïalang (campaign) hapoh shnong.

Ka Dorbar shnong kala rai ba baroh ki jingïalang election jong ki candidate dei ban pynlong ha ïing dorbar Hall jong ka shnong.

Ka Dorbar shnong ka la kyntu ia baroh ki candidate ban burom ïa kine ki kyndon jong ka shnong na bynta ka bha ka miat jong ka shnong ka thaw.