Pynbna ka sorkar iaka Police Outpost ha West Jaintia Hills

Syllad | The Rising MeghalayaDecember 6, 2022

Ka sorkar Jylla haka sngi ba Ar kala pynbna bala pynmih iaka hukum ban thaw iaka Police Outpost kaba thymmai ha Barato, West Jaintia Hills District. Ia kane ka Police Outpost yn tip iaka kum ka Barato Police Outpost.

Ia kane la pynbna da u Secretary ka sorkar Jylla ba dei khmih iaka tnad Home (Police) Department.

Ka Barato Police Outpost la ker sawdong iaka da ka Saitsama OP na Shatei (North), Jowai PS na kaliang Mihngi (East), Raliang OP na Shathie (South) bad ka Nartiang Police Station na Sepngi (West).

Ki shnong kiban hap hapoh ka Barato Police Out ki kynthup iaka Barato, Mukroh, Saba, Maitdien, Jongkynshur, Iongkwang, Thangrain, Khliehsniriang, Shiliangmyntang, Thadsning, Thad Ialong, Musiaw, Samatan, Moobandu, Latymphu, Thadbamon, Umsalang, Lummuriap, Sowkhlieh and Bhain.

Da ka jingthaw iaka Barato Police Outpost, baroh ki jaka kiba hap ha Barato Police Outpost kin nym hap shuh haka Nartiang Police Station.