Pynbna ka sorkar MDA ban iarap siew iaka sut ki paid nongrep naka KCC

Syllad | The Rising MeghalayaSeptember 24, 2020

Ka sorkar Meghalaya Democratic Alliance (MDA) haka sngi Palei kala pynbna ba kan iarap kum ka grant da kaba siew iaka sut kaba 2 percent iaki paid nongrep ka jylla kiba shim ram na ka Kisan Credit Card (KCC).

U Myntri Rangbah ka Jylla ula pynbna ia kane hadien ka cabinet meeting.”Baroh ki nongrep kiba shim ram KKC ka sorkar jylla kan siew 2 percent ka sut jong ki,” la ong u Myntri Rangbah ka Jylla Conrad K Sangma. Ula ong ba kane ka dei kum shibynta ban kyrshan ia ki paid nongrep kiba la shah ktah haka jingiakhun pyrshah iaka khlam  COVID-19.

Ula ong ruh ba la kumno kumno ka sorkar kan buria haduh 2.5 klur ka pisa ban iarap ne (reimburse) iaka sut kaba 2 percent. Ula ong ruh ba tang 19000 na ki 1.60 lakh ki nongrep kiba la register ialade hapoh ka KCC scheme ha Meghalaya kiba la shim ram.