Pynbna ka UDP ia ka thup kyrteng kaba ar ki khyndai ngut ki kyrtong MDC sha ka KHADC bad JHADC

Syllad | The Rising MeghalayaDecember 30, 2024

Ka United Democratic Party (UDP) ha ka 30 tarik  Nohprah ka la pynbna biang ia ka thup kyrteng kaba ar jong ki khyndai ngut kyrtong ki ban ia aireng ha kane ka elekshon sha ki artylli ki Autonomous District Council (ADC), ka Khasi Hills Autonomous District Council (KHADC) bad Jaiñtia Hills Autonomous District (JHADC) ka ban long ha ka 21 tarik u Rymphang, 2025.

Na kine ki lai ngut ki ban mih ia aireng na ka bynta ka elekshon sha ka KHADC ki kynthup ia u Bah Ryngkatlang Lyndem uba dei ruh u MDC ba dang don ha ka shuki na Lyngkyrdem-Laitkroh, u Bah Suly Lyngdoh na Mawsynram bad u Bah Gilbert D Laloo na Mylliem Constituency.

Katba hynriew ngut pat ki ban ia aireng sha ka elekshon sha ka JHADC ki kynthup ia u Medling Swer na War East, u Bah Kat Kassar na War Central, u Bah Shlur Lamin na War West, u Rimilangki Synnah na Nartiang Wahïajer, u Bah Wailad Siangshai na Musniang-Rngad bad u Bah Damian S War na Mynsngat-Khanduli.

Ha kane ka jingialang pynbna kyrtong la ia don lang ki nongïalam ba hakhmat ka Party kiba kynthup ia u Bah Metbah Lyngdoh, President, u Dr Jemino Mawthoh, Secretary, Kong Pretty Kharpyngrope, President UDP Women’s Wing kynthup ruh ia  ki MLA ka Party kiba kynthup ia u Bah Paul Lyngdoh, uba dei u Myntri Sorkar, u Bah Beyondstar Matthew Kurbah, u Bah Lahkmen Rymbui, u Bah Ollan Sing  Suiñ bad kiwei kiwei.

Ka UDP ka la dep pynbna ia ka thup kyrteng kaba nyngkong jong ki 26 ngut ki kyrtong sha ka KHADC bad JHADC ha ka 13 tarik Nohprah.

Ki 16 ngut ki kyrtong sha ka elekshon KHADC ki long: U Desmond KL Mawlong- Nongthymmai, Mitchel Wankhar- Laban-Mawprem, James Ban Basaiawmoit- Mawkhar-Pynthorumkhrah, Auguster Jyrwa -Jaiaw, Titosstarwell Chyne- Sohra, Barikupar Synrem- Shella, Matthew Beyondstar Kurbah- Mawphlang-Diengiei, Naphistista Marwein- Umroi, Mawhati-James Sylliang, Eddie G Karbani- Umsning, Nongpoh-Balajied Ranee, Pius Marwein- Langrin, Jessland Roy Nongsiej- Mawkyrwat, Sranly Rongrin- Mawshynrut, Equator Nongrang- Mairang-Nongkhlaw, Jambor War-Pariong- Mawthadrashain.“

Ki 10 ngut ki kyrtong sha ka elekshon JHADC ki long:“  Lomris Lyngdoh-Muthlong-Sohkynphor, Joinriwell Pyrtuh -Bataw Lakadong, Lasky Rymbai -Tuber-Wapung-Shnong, Finelynes Bareh-Rymbai-Khliehriat, Rollinson Dkhar-Sutnga-Narwan, Eleazer C Dkhar -Shiliangmyntang, Winning Garland Sungoh-Mookaiaw, Fernando Sumer-Saphai, Riio Sten-Barato-Mukroh, Marki Mulieh- Jowai-North.