Pynbna ka VPP sa hynniew ngut ki kyrtong iakhun MDC kynthup ka khun u Bindo Lanong

Syllad | The Rising MeghalayaDecember 3, 2024

Ka Voice of People Party (VPP) ha ka 2 tarik Nohprah ka la pyllait biang ia ki kyrteng jong ki hynniew ngut ki kyrtong ki ban mih iakhun ha kane ka elekshon MDC ka ban wan, kata arngut na Khasi Hills Autonomous District Council (KHADC) bad san ngut na Jaintia Hills Autonomous District Council (JHADC).

Ki arngut ki ban iakhun napoh KHADC ki kynthup ia ka Kong Deity H Majaw kaba dei ka khun jong u MLA barim u Bah Bindo Lanong ka ban iakhun na Laitumkhrah Malki MDC Constituency bad u Bah Kynjohlang Rangtong napoh Mawhati Constituency.

Katba ki sangut napoh JHADC ki kynthup ia u Dr. Samely Shylla na Amwi Khliehtyrshi Constituency, u Bah Thiyo Lapasam na ka Saphai Sahsniang Constituency kaba dang shu pynkha thymmai, u Bah Soki Lapasam na Muthlong Sohkymphor Constituency, u Bah Tyngshain Phawa na Khliehriat Rymbai Constituency bad u Bah Prince Sukhlein na Saipung Nongkhlieh Constituency.

Hadien ka jingpynbna ia kine ki hynniew ngut, ka VPP mynta ka la dep ban pynbna ia baroh ki kyrtong ki ban ia aireng ha kane ka elekshon MDC ka ban wan, kata kaba kynthup ia 29 ngut na KHADC bad 29 ngut na JHADC.