Pynbna kyndon ka Pamra Kmaishnong ia kiba rung ba mih hapoh shnong

Syllad | The Rising MeghalayaJuly 26, 2020

Ban iakhun pyrshah ia ka jingpang khlam Covid-19 kaba la pur sted bad saphriang ha ka District bad ha ka Jylla hi baroh kawei, Ka Dorbar Shnong Pamra Kmaishnong, East Jaintia Hills District ka la pynbna da ki kyndon ha kaba iadei bad ka rung ka mih shapoh u pud u sam ka shnong naduh mynta ka sngi tad haduh pynbna da kumwei pat.

● La khang pyrshah ia ki briew ba na bar shnong ban leit ban wan shapoh ka shnong naduh ba pynbna ia kane ka hukum khnang ban iada na ka jingpursted bad saphriang une u khniang jingpang Covid-19

● La mana pyrshah ia ki nongleit nongwan ba ymbit ban biah bad bret klumar ia ki plastic ki jakhlia ha ki surok ne ha ki jaka paidbah.

● La khang pyrshah ia ki Nongdie Nongthied ki ba nabar shnong ban wan die ia ki tiar ki tar jong ki shapoh u pud u sam jong ka Shnong.

●Ia ki Nongleit Nongwan ba nabar Shnong la khang pyrshah ba kimdei ban thied jingthied na ki dukan bapher bapher jong ka shnong.

● Kino kino ki ba rung shapoh ka shnong na ka bynta ki jingdonkam kyrkieh dei ban iohbor na u Rangbah Shnong ne na u Secretary Shnong.

Ia kine ki kyndon la pynmih kum ka lad ban iada ia u paid Nongshong Shnong na ka jingsaphriang ka khlam Covid-19.

La kyrpad iabarohlang naduh ki paid Nongshong shnong bad ki Nongleit Nongwan ba nabar shnong ba phin sngewbha ban iatreilang bad ban bud ryntih ia ki kyndon ba la bthah da ka tnad ka koit ka khiah bad ban bud ryntih ruh ia ki kyndon ba la mana na ka liang ka shnong. Lada lap ia kino kino ki bymkohnguh bad burom ia kitei ki kyndon yn sa aiti sha ki bor jong ka ain ban leh ia kaba donkam.

Kane ka long katkum u kyrwoh bala phaha da u IK Rymbai, Secretary Shnong Pamra Kmaishnong.