Pynbna micro containment ha kawei ka kyntoit ha Moodop Nartiang

Syllad | The Rising MeghalayaJune 18, 2021

U District Magistor, West Jaintia Hills District Ma Garod LSN Dykes ula pyngngat micro containment iaka kyntoit Ringkyrtein haka shnong Moodop, Nartiang.

Ia ka hukum la pynmih haka sngi Thohdieng hadien bala la lap ba don ka jingiabit jingpang khlam COVID-19 thymmai ha kane ka kyntoit.

Katkum ka hukum la khang pyrshah ia kino kino ban rung sha katei ka jaka bad kiba shong ba sah ha katei ka kyntoi ruh la khang pyrshah ban mih klumar.

Baroh kiba shong ba sah ha katei ka kyntoit la bthah ba kin shong pynkyrpang ialade hala ki jong ki ïing ki sem jong ki.

Kane ka hukum kan treikam tad haduh bala pynbna da kumwei.