Pynbna shuti ka Sorkar ha ka 21 tarik Rymphang namar ka elekshon ADC

Syllad | The Rising MeghalayaFebruary 19, 2025

Ka Sorkar Jylla lyngba u Commissioner & Secretary kala pynbna ia ka 21 tarik Rymphang kum ka sngi shuti ha baroh ki district jong ka Rilum Khasi bad Jaintia namar ka jingpynlong ia ka elekshon sha ki artylli ki Autonomous District Council (ADC) jong ka KHADC bad JHADC.

Kine ki District ki kynthup ia ka East Khasi Hills, West Khasi Hills, South West Khasi Hills, Eastern West Khasi Hills, bad Ri Bhoi District kiba dei jong ka  KHADC nalor ka West Jaintia Hills bad East Jaintia Hills jong ka JHADC.

Ki nongtrei kiba trei sha Rilum Garo bad kiba dei ki nongthep vote jong ki constituency kiba hap sha ka KHADC bad JHADC kin ioh ia ka shuti kaba kyrpang.

Baroh ki karkhana bad kiwei pat ki tnad treikam kiba hap hapoh ka jingkhmih katkum ka NI Act, 1881, ki dukan bad kito kiba trei da ka por (shift basis), ki nongbylla sngi, ki nongtrei casual kynthup ia kito kiba trei shabar jong ki constituency bad kiba dei ki nongthep vote jong kitei ki constituency ki dei ban ioh ia ka shuti ryngkat ka jingsiew katkum ka kyndon 133(2)(b).