Pynbna tarik iakhih ki 6 Dorbar Shnong bym biang ka PHC Mawryngkneng

Syllad | The Rising MeghalayaJune 2, 2020

Ka meeting ki Sordar jong ki Hynriew Dorbar Shnong kiba long ka Mawryngkneng, Puriang, kut, Thangshalai, Ksehpyndeng bad Pommura ka la long ha ka 1.6.2020 hapoh Shnong Mawryngkneng ha dien ba lakut ka jingaipor ka Dorbar Shnong Mawryngkneng hapoh shi taiew ia ka sorkar Meghalaya lyngba u Director ka Health Department Govt of Meghalaya ban pynbiang ki jingdonkam baroh hapoh PHC Mawryngkneng hynrei haduh mynta ym pat ioh ia ki jingdawa na ka sorkar kumba ka la kular.

Ka jingialang da kawei ka sur ka la shim ia ka rai ban pyrshah halor ka jingbym shimkhia ka sorkar bad na ka liang ki Sordar Hynriew Dorbar Shnong ki larai ban ai ka jingkyrshan ba pura ia ka Dorbar Shnong Mawryngkneng bad ia shim bynta ha ki jingiakhih paidbah.

• La rai ha 3-6-2020 naduh 10 AM haduh 2 PM yn shong kyllain myngngor ha phyllaw ka PHC Mawryngkneng da ki Sordar 6 Dorbar Shnong.
• Ha ka 8-6-2020 naduh 10 Am haduh 2 Pm sa da ki executive committee members jong ka Dorbar Shnong Mawryngkneng.
• Ha ka 12-6-2020 naduh 10 Am haduh 2 Pm sada ki executive members jong ki 6 Dorbar Shnong
• Ha ka 17-6-2020 10 AM haduh 2 Pm sada ka jingialang paidbah hapoh madan mini stadium Mawryngkneng bad bud ka jingiaid paidbah shapoh PHC Mawryngkneng.

Kiwei kiwei ki prokram iakhih ba kham tyngeh yn sa pynbna pat hadien lada ym urlong kitei ki program ba ladep ban pynbna.