Pynbna tarik u DSO iaka ISAM ha Jowai

Syllad | The Rising MeghalayaMarch 31, 2023

Ka ophis u District Sports Officer, West Jaintia Hills District ula pynbna paidbah ba ka Chief Minister District Level Inter School Athletic Meet,2023 kan long haka 26, 27 bad 28 tarik u Iaiong ha madan Kiang Nangbah Stadium.

Ki kyrdan iakhun ki kynthup iaki kynthei bad shynrang haka Under-14, Under-16 bad Under 18. Ka jingot snem ka long haka Under-14, kiba kha 30-11-2009 bad ym hadien ka 30.11.2011.

Haka Under-16 kiba kha 30.11.2007 bad ym hadien ka 30.11.2009 bad Under 18 kiba kha haka 30.11.2005 bad ym hadien ka 30.11.2007.

Ka jingialang hapdeng ki nonghikai bad nongmihkhmat aki skul kan long haka 14 tarik Iaiong haka por 3 Pm, bad ka jingjurip iaki khynnah ialehkai kan long haka 17 tarik Iaiong ha Kiang Nangbah Stadium. La bthah ia baroh ki skul ban wan ialam pyntam tang 6 ngut ki khynnah na kawei kawei ka kyrdan haka jingjurip ia ki khynnah ialehkai.

Ki bor pyniaid jong ki skul ki lah ban phone ha kine ki number na ka bynta kino kino jingdonkam (1) 9402310523 (2) 9612942208 (3) 9774514980.

Baroh ki nongialehkai kin wanrah iaki kot ki sla original kynthup iaka aadhaar, birth certificate kiba ai da ka Municipal Board, CHC, PHC haka sngi jurip khynnah ialehkai bad ban sumbit iaki kopi ryngkat bad ki form.

Yn ym pdiang ban pynrung khynnah ialehkai hadien ka jingjurip iaki khynnah ialehkai bad donkam ruh ban tah lang iaka dur passport ki khynnah ialehkai haka form.