Pynbna u Bah Ardent iaka kyrtong MDC na Narpuh

Syllad | The Rising MeghalayaNovember 4, 2024

U president ka Voice of the People Party, u bah Ardent Miller Basaiawmoit ula pynbna paidbah iaka kyrtong ban iakhun iaka election sha ka election MDC jong ka Jaintia Hills Autonomous District Council (JHADC) na Narpuh Constituency.

Kane ka kyrtong ka dei ka kong Deiwi Tongper.

U Bah Ardent ula pynbna ia kane haka 2 tarik Naiwieng haka jingialang paidbah kaba long haka shnong Umkiang, East Jaintia Hills District. Ula pynbna ruh ba ia kiwei ki kyrtong yn pynbna shen hadien ba pynskhem ka State Election Committee jong ka VPP.

Ula ong ruh ba ka party kala bishar bniah bad rai ban pynskhem iaka kong Deiwi hadien ba kila iohi iaka jingkitkhlieh ba ka don ban shakri paidbah.

“Ngi sngewdei ban sei ia kane ka longkmie, namar ba ka VPP ka ioh bha iaka jingkyrshan ki longkmie ha kane ka elekshon MP bala dep, kumta kumba phi ai jingkyrshan iaka VPP haka MP, kumta ruh phin pynjop iaka namar ba ka dei ka briew kaba satar haka jingtrei paidbah,” ula ong u bah Ardent