Pynbna u Conrad ban theh jingiarap ban kyntiew iaka shnong Ialong bad ban pynbha iaki jaka ba pynjulor ka wah Myntdu

Syllad | The Rising MeghalayaAugust 11, 2023

U Myntri Rangbah ka Jylla u Conrad K Sangma ula pyntip ba un theh jingiarap iaka shnong Ialong lyngba ka skhim Chief Minister Special Development Programme na ka bynta ban tei pynbha bad iada iaki jaka khamtam iaki hali ki pynthor kiba la pynjulor ka wah Myntdu haka shnong Ialong.

Ia kane u Myntri Rangbah Conrad K Sangma ula ong haba kren iaki nongthoh khubor haka sngi pynkut iaka Behdienkhlam ka Seinraij Ialong haka sngi Palei.

Ula ong ba ka wah Myntdu kala pynjulor iaka jaka kaba heh, kynthup iaka hali haka shnong Ialong, kumta ula ong ba un ai jingiarap lyngba ka skhim Chief Minister Special Development Programme ban iada iaka jingpynjulor ka wah.

Ula ong ruh ba ka sorkar kan wanrah iaki kam pynroi na ka bynta ban pynbha pynmiat iaka shnong Ialong bad ka Ialong park.

Ula ong shuh shuh ba ka sorkar kan theh jingiarap ban tei iaki jingtei ha Pyrda ka shnong Ialong, khnang ban pynitynnad iaka jaka lehniam Behdienkhlam haka rukom kaba dei bad ban kyntiew shuh shuh iaka kolshor.