Pynbna u Conrad ia ki dkhot ba thymmai ka national committee ka NPP

Syllad | The Rising MeghalayaApril 20, 2025

U National President jong ka National People’s Party’s (NPP) uba dei ruh u Myntri Rangbah ka jylla Meghalaya, u Conrad K Sangma u la pynbna paidbah ia ki kyrteng jong ki nongkitkam ba thymmai ka National Committee jong ka party na ka bynta ka samoi treikam 2025–2028.

Kum ban shu kdew u Conrad K Sangma ula shah jied biang kum u National President ka NPP ha ka jingialang kaba la long ha ka 15 tarik u Lber 2025 ha Constitutional Club of India ha New Delhi.

Kiwei pat kiba la shah jied lang ha kane ka sngi ki kynthup ia u Paknga Bage uba dei u Myntri sorkar barim ka Arunachal Pradesh kum u National General Secretary (Organization) bad ka MLA ka Gambegre ka Dr. Mehtab Agitok Sangma kum ka Tresurer jong ka party.

Katba kiwei pat ki nongkitkam ba la jied thymmai ki kynthup ia u Myntri sorkar barim u James PK Sangma kum u National Working President, ka MP barim ka Tura ka Agatha K Sangma kum ka National Vice President.

Ki laingut kiwei pat ki National Vice President ki kynthup ia u SL Kol (Madhya Pradesh), Vevoyi Wideo (Nagaland) bad u Pesi Jilen (MLA, Arunachal Pradesh, u  Abhaya Kashyap (Delhi) kum u National General Secretary (law & admin), ong ka jingpynbna ba la pyllait da u nongialam ba hakhliehduh ka party ha 17 tarik Iaiong.

Ki sawngut kiwei pat ki National Secretary ki kynthup ia ka Myntri ka sorkar Meghalaya ka Dr M Ampareen Lyngdoh, u MLA ka Arunachal Pradesh u Tapi Darang, u Samuel Sumi (Nagaland) bad u Saidul Khan na Meghalaya.

Nalor kine la ioh ruh ban jied ia ki Executive Member kiba kynthup ia u Washi Yalem (Arunachal Pradesh), Yura Mary (Arunachal Pradesh), Namgey Tsering (MLA, Arunachal Pradesh), Santa Mary Shylla (MLA, Meghalaya), Grace Mary Kharpuri (Meghalaya), Pyniaid Sing Syiem (Meghalaya), Ratika Yumnam (Manipur), W. (O) Sumati Devi (Manipur), Maibam Dhanabir Singh (Manipur), Md. Sazad Bhuiya (Manipur), Janghemlung Panmei (MLA, Manipur), Avitso Lcho (Nagaland) bad u Philip Lam (Nagaland).’