Pynbna u Dr. DD Lapang ban shongthait noh kum u nongaibuit ka Sorkar Jylla

Syllad | The Rising MeghalayaOctober 1, 2024

U nongialam sain pyrthei uba dei ruh u Myntri Rangbah barim ka Jylla u Dr. DD Lapang ha ka 1 tarik u Risaw u la pynbna ban shongthait noh na ka kam kum u nongaibuit jong ka Sorkar Jylla.

Ha ka shithi ba la phah sha u Myntri Rangbah ka Jylla u Conrad K Sangma, u Dr Lapang u la ong, “Hadien ba la pyrkhat sani bha bad da ka mynsiem kaba sngewnguh, nga pynbna ban shongthait noh na ka kam kaba nga bat kum u nongaibuit ka Sorkar Meghalaya.”

U la ong ruh, “Ka jingiaid lynti jong nga ha kaba aijingshakri ia ki paidbah ka Jylla Meghalaya ka la iaid ha ryngkat bad ki jingkylla. Nga la iohi ia ka jingkiew jong ka Jylla, bad nga sngew sarong ban ia don bynta ha kane ka jingkiew shaphrang. Ki jingeh kiba nga iakynduh ki long ki lad kiba pynkylla dur bad man ki mawmer ki dei ka lynnong kaba thymmai jong ka jinghikai.”

“Katba nga dang ai khublei khatduh, nga kwah ban pynpaw ka jingsngewnguh halor ka mynsiem ka jingshaniah bad halor ka kabu ba la pynioh ha nga. Nga la hap ban iehnoh shadien ym tang ia ki paralok kiba iatreilang lang, hynrei ia ka iing ka sem kaba la ieng ryngkat bad nga ha ki jingeh bad ki jingsngewbha kumjuh. Sngewbha pdiang ia kane ka shithi iehnoh kam jong nga, Khublei shibun ia baroh ki jingkynmaw,” ong u Dr Lapang ha ka shithi sha u Myntri Rangbah.