Pynbna u Kyrmen Shylla da ka madan football 7 Aside haka sngi sdang ka 1st Knock-Out Football ka 5 Shnong SCSC

Syllad | The Rising MeghalayaDecember 6, 2024

U Myntri Sorkar bad uba long u MLA ka Khliehriat Ma Kyrmen Shylla ula pynbna ban shna iaka madan football 7 Aside haka thain San Shnong ban kyntiew shuh shuh iaka football ha ki thain nongkyndong.

U Ma Kyrmen Shylla ula pynpaw ia kane haba kren kum u kongsan haka jingialang plie iaka 1^st Knock Out Football Tournament kaba pyniaid daka 5 Shnong Social and Cultural Sports Club kaba long ha madan Kremlabit, Mukhaialang, kaba khusnam pisa kala kynjoh sha ak 8 lak tyngka.

Ka jingthmu jong ka 5-Shnong Social & Cultural Sports Mukhaialong ban pynlong ia kane football ka long ban pynmih pisa iaka San Shnong Secondary School Mukhaialong, East Jaintia Hills District, la ong u Secretary Sport ma Andres Sana

U Kyrmen Shylla haba kren um lah khlem da pyrto iaka sienjam ba la shim ka 5 Shnong SCSC bad jingiatylli jong ka thain San Shnong naduh ki riew rangbah, samla haduh ba kila lah ban pynlong ia kane ka lympung ialehkai kaba jop.

U Dy CEM JHADC Ma Lasky Rymbai kum u symbud kongsan ula kren halor ka jingkiew ka roi ka par hapoh ka thain San Shnong khamtam ka kam jngohkai pyrthei bad kane ka urlong dei lyngba ka jingiatreilang hapdeng u MLA bad ki riew rangbah ka thain bad kyntu ruh ban bteng ka jingiatreilang khnang ban lah ban pyndep iaki kam kiba sahteng.

Hashwa kane ka sngi la iadonlang bad ioh iaka jingkren lyngkot na u Waheh Shnong Cham Cham Ma Karlud Dkhar bad Ex MDC Ma Helping Phawa.

Kiwei kiwei kiba iadonlang ki kynthup ia u Hamlen Rymbai, Justice Lyngdoh, L Shylla, Poimi Sana, Prakash Phawa kumjuh ki waheh shnong jong ka San Shnong bad General Secretary 5 Shnong Welfare Association Mukhaialong Tyrnit Pdein.

Ha ka sngi sdang jong ka jingialehkai ka KSFC kala pynliem iaka Legend FC da 1-0.