Pyndam noh ka Sorkar ia ka Notification ka KHADC halor ki jingiakop khwai

Syllad | The Rising MeghalayaSeptember 19, 2023

Ka Sorkar Jylla kala pyndam noh ia ka jingpynbna jong ka Khasi Hills Autonomous District Council (KHADC) ha kaba iadei bad ka jingbuh kyndon ban pyrkhing ia ka jingpynlong ia ki kam iakop khwai dohkha hapoh u pud u sam jong ka Council.

Ia kane ka jingpynbna la pynmih da u Secretary ka Tnad District Council Affairs ka Sorkar Jylla Bah FM Dopth haka sngi ba Ar.

Kane ka jingbym lah ban bud iaki kyndon pyrkhing ia kaba iadei bad ka jingpynlong iaka iakop khwai dohkha la poi sha ka jingtip u Lat ka Jylla kaba la pynmih ha ka Part-II A jong ka Gazette ka Meghalaya ha ka 3 tarik Nailar 2023, hynrei kam shym la iaid satia katkum ka lynti kaba dei ha ka ban pynmih ia kane ka jingpynbna.

Kumta katkum ka jingpynbna No DCA.33/2012/520 ka ong; “U Lat ka jylla u sngewbha ban pynbna ba ka jingpynbna No DC/RBF/XXXII/64/2023/171 ba 14 tarik Naitung 2023 jong ka Khasi Hills Autonomous District Council kaba la pynmih haka Gazette ka Meghalaya haka 3 tarik Nailar 2023 la pyndam noh.”