Pyndem ka Punjab National Bank Nangbah hakhmat ka KSU

Syllad | The Rising MeghalayaAugust 23, 2022

Ka Khasi Students’ Union (KSU) Nangbah Unit kala rai ban ailad ban plie biang iaka Punjab National Bank (PNB) hadien ba ki bor pyniaid ka bank kila pyndem bad pdiang iaka jingtlot ka jingai jingshakri jong ka bank.

Ka KSU hadien ba kala ioh iaka shithi na ka bor pyniaid ka bank kala shong jingialang kyrkieh haka sngi Nyngkong, hadien ba kala khang ia kane ka bank naduh ka sngi Palei, ka taiew kaba la dep. Ka KSU kala khang tala ia kane ka bank hadien ba ka bank kala phiel ban pynurlong iaka jingdawa kiba la buh ka KSU kiba kynthup iaka update machine, ATM machine nalor kiwei kiwei ki jingdonkam katkum ka juk mynta ban pynbiang ka jingshakri sha u paidbah.

U Kyrwoh na u Conciousness Susngi Publicity Secretary KSU Nangbah Unit, ula ong ba ka KSU kala rai ban weng iaka jingkhang tala iaka bank hadien ba ki nongpyniaid ka bank kila kular ban pynbiang iaki jingdonkam. Ka bank kala ong ba kan phah ruh iaki survey ATM field officers.

Kumta ka KSU kala rai ban weng shipor iaka jingkhang tala bad lada ka bank kam leh kumba la ai ktien ka KSU kan leh da kaba kham tyngeh hapoh shibnai.