Pyndik biang ka Assam, pynsangeh iaka jingtei iaka skul RMSA ha Psiar

Syllad | The Rising MeghalayaDecember 9, 2020

Ka kynhun jong ki Pulit Assam na Mokoilum kila wan ban pyndik biang iaki nongshong shnong ka Psiar bad kila pynsangeh iaka jingtei iaka skul Rashtriya Madhyamik Shiksha Abhiyan (RMSA), ka bei pisa da ka Ministry of Human Resource Development, Government of India naka bynta ban pynbha iaka skul haki kyrdan secondary haka sngi Balang.

Kane ka kynhun Pulit na Assam kaba ialam da u ophisar incharge ka Mokoilum kila pynsangeh iaka jingtei ia katei ka skul bad kila shim kyrteng ruh iaki nongshong shnong kiba ieng haka nongrim ban ong ba ka Psiar ka hap ha Meghalaya.

Ha kane ka jingwan pynsangeh ki pulit Assam la iadonlang naduh u waheh shnong ka Psiar u Menita Synnah, Roimon Biam, Sambha Biam secretary skim bylla 100 sngi bad kiwei kiwei ki riew rangbah ka shnong Psiar.

La iathuh ba ia kane ka skul, ka dei kaba dang shu sdang tei mynta shi bnai eiei bad la dep ban pynieng iaki katto katne ki post, hynrei ki pulit Assam na ka por sha ka por ki la wan swait bad mynta ka sngi kila pynsngeh noh syndon iaka jingtei ia kane ka skul.