Pynduh pyndam noh ka Tnad Custom ia u drok ba shongdor haduh T. 8.5 klur

Syllad | The Rising MeghalayaJanuary 23, 2025

Shibynta jong ka sienjam kaba kongsan ban pyni ia ka polisi treikam ka bym lah ban pdiang ha kaba iadei bad ki kam khaii drok bad shibynta jong ka Drug Disposal Campaign jong ka CBIC (Central Board of Indirect Taxes andCustoms), ka Commissionerate of Customs (Preventive), Shillong ha ka 22 tarik Kyllalyngkot ka la pynduh pyndam noh ia u drok uba shongdor haduh T. 8.5 klur ia kiba la kurup hapoh ki kyndon jong ka NDPS Act, 1985.

Ia un u drok la pynduh pyndam noh da kaba thang ha ka jingsakhi lang da ka Drug Disposal Committee ba la ialam da u Bah Spencer M Mylliem, Joint Commissioner, Customs NER ha ryngkat ki ophisar na ka Tnad Customs bad DRI.

La pynduh pyndam noh ia une u drok ha ka rukom ba kan ym ktah ia ka mariang bad ban pynthikna ruh ba ia u drok dei ban pynduh jait noh na ka jingpynsaphriang.

Kane ka jingpynduh pyndam noh ia une u drok la leh da ka tnad Custom ha ka jingpyrshang ban pynskhem ia ka jingangnud jong ka ban ialeh pyrshah ia ki kam khaii bad dih drok da ka jingthmu ban kyntiew ia ka bha ka miat jong ki paidbah bad ka ri bad ka jaidbynriew.