Pyneh daw u DC West Jaintia Hills ya ki khon khynroo khyllood ki wow mih yachimbynta ha ka Meghalaya Games 2024

Syllad | The Rising MeghalayaJanuary 13, 2024

Ynne ka sngi Khyllaw 13 Tarik Duiatra ka West Jaintia Hills District Sports Association dei ya embyntalang kiwi ki Sports Association wa kynthup ya ka West Jaintia District Badminton Association, West Jaintia Hills District Cycling & Adventure Association wa kiwi da pynman ki ka yachemlang wa kyrpang chwa wow mih ki napoh ka chnong Jowai u lai da ki Bus cha Tura hei wow yachimbynta ki ha ka District ha 5th Meghalaya Games 2024 ka wow man ha Tura West Garo Hills nadooh ka 15 tarik hadooh ka 20tarik Duiatra.

Deiwi I kyntien ya kani ka program da tip Kam ka Send Off Ceremony Wei da pynman ya ka ha Kiang Nangbah Indoor Sports Hall hei janmiet chwa wow lai ki da ki Bus cha Tura.

U B.S.Sohliya, IAS Deputy Commissioner, WJHD hawa klam da e u I kitbok kitrwiang Wei kyrkhu khyrdooh ya waroh ki khon khynroo khyllood Wei kyrpang leh da kyrsu kyntu wow man kiwa tip u RI syndong yei burom I akor.

Waroh ki khon khynroo khyllood kiwa da mih ha kani ka sngi neibynta ki yakop wapher da em ki kamwa 216 ngut heiwa 117 ngut toh ki chynrang wa 72 ngut toh ki kynthai wa 27 ngut wan ki Coach wa ki Manager.

Ki jait yakop ki wow yachimbynta kini ki khon khynroo khyllood toh kynthup ya Football, Athletic, Basketball, Archery, Volleyball, Karate, Judo, Taekwondo, Wushu, Boxing, Cycling, Armwrestling, Badminton, Mawpoint, Wapongsika wa ka Rah Mookhrah.