Pyngngat Micro Containment ha ki lai shnong ba kyntait kiba don jingma ban test COVID-19 ha Amlarem Sub Division

Syllad | The Rising MeghalayaJune 24, 2021

U Sub-Divisional Magistrate, Amlarem Sub-Division, u Abhilash Baranwal IAS haka sngi Palei ula pyngngat micro containment ha ki saw tylli longïing haka Satpator, Amlanai bad Pdengshakap hadien bala don ka jingiabit iaka jingpang khlam COVID-19 bad ka jingkyntait kiba don jingma (High Risk Contact) ban pyndep iaki test.

Kine longïing kiba la shah pyngngat micro containment ki kynthup iaka longïing ka kong Milang Khyriem bad Planti Pohlong haka shnong Pdengshakap.

Ka longïing ka Khatduh Surong haka shnong Amlanai Village bad ka longiing u Emergency Shylla haka shnong Satpator.

U Magistor ula ong ba la hap ban pyngngat ia kine ki longiing kum ki micro containment ban pyrkhing iaka jingrung jingmih klumar ki briew bad ban pyntreikam ruh iaki kyndon pynjari ban tem iaka jingpur ka khlam.

Ym shah ia kino kino ban rung shapoh ka Micro Containment Area bad kiba shong ba sah ha kine ki jaka bala pyngngat containment kim bit ban mih shabar

Baroh kiba la shah pyngngat micro containment ki dei ban shong pynkyrpang ialade ha ki iing ki sem jong ki.

Ym shah ban pynlong ia kino kino ki jait jingialang.

U Zonal Officer u peit ia kiine ki jaka kiba la pynbna micro containment bad kane ka hukum kan ym treikam iaki nongtrei ka tnad ka koit ka khiah, ki nongtrei ka tnad Supply bad kiwei ki tnad sorkar bad ki nongtrei kiba hap ha ki kam ba donkam u paidbah bad kiba sam tyndong shet jingshet.

Ki Pulit ki pahara ha kine ki jaka ban pynthikna ba ki briew kin nym pynkhein iaka hukum.