Pynhap pyrda ka Mynriang Presbyterian LP & UP School ia ka taiew lehkmen 2023

Syllad | The Rising MeghalayaNovember 2, 2023

Ka Mynriang Presbyterian LP&UP School kaba dei kawei na ki skul kaba hap hapoh Mawryngkneng Block ka la pynkut noh ia ka taiew lehkmen ne ‘School Week 2023’’ kaba la sdang naduh ka 23 tarik haduh 30 tarik u Risaw 2023, ha ka jingiadon lang u CEM ka KHADC u Bah Pyniaid Sing Syiem kum u Kongsan

Ha ka sngi sdang jong ka ‘School Week’ la wan plie da u Babu W R Kharkongor u ba dei ruh u President jong ka MSSASA East Khasi Hill District, bad hapoh kane ka taiew la ioh ban pynlong shibun ki jingialehkai bapher bapher, kata naduh ka long jump, three leg race Sponse, Race Tug of War Race, Relay Race Football Sag Race Singing Dancing Quiz Exterm pore speech, Arms wresting Carrom board bad kiwei kiwei.

Katba ha ka sngi ba kut jong kane ka taiew lehkmen la ioh ban pynlong da ka awareness program halor ki mat bapher bapher kata naduh ‘ka jingkordor ka jing stad’ ‘ka jing pep skul shiteng por’ ‘ka Shongkha Khynnah’ ‘ka jingkoit jingkhiah’ ‘ka synshar khadar’ ‘ka jing ngeit biej’ kiwei kiwei ki bynta lyngba ki resource person ne ki nongai jinghikai bad pynshai halor kine ki mat bapher bapher.

Ha kane ka sngi la ia don lang ruh naduh ki doktor napoh PHC Diengpasoh na ophis BDO Mawryngkneng Block, na ka tnat Social Welfare bad ki nonghikai skul na kiwei kiwei pat ki skul, u Sordar Shnong Bah Super Rngaid, ki riew rangbah jong ka thain bad kiwei kiwei.
Baroh ki nongkren ki la kyntu ia ki paidbah nongshong shnong kumjuh ia ki kmie ki kpa ba kin ai ka jingiatreilang bad ki tnat bapher ba pher jong ka sorkar, bad ki la kyntu ruh ia ki khynnah skul ba kin iai minot ha ki jingpule ki jong ki khnang ba kin lah ban poi sha ka thong jong ka jingjop.

La pyniaid ia kane ka prokram ha kane ka sngi da u babu J J Lyngkhoi bad la ioh ruh ka jingkren pdiang na u Tbn Laitsing Nongrum President ka MC bad ruh ka jingkren ai khublei na u Babu G Marbaniang uba dei ruh u Head Master jong ka skul.