Pynher iaka lama lai rong ka Ri India da ka jingburom bad ka jingsngew sarong ong u DC iaki nongshong shnong ka West Jaintia Hills

Syllad | The Rising MeghalayaAugust 13, 2021

U Deputy Commissioner, West Jaintia Hills District ula wer baroh ki nongshong shnong khamtam ki nongshong shnong ka sor Jowai bad snohkitilang bad ka bor synshar district ban pynher iaka lama lai rong ka ri haka 15 tarik Nailar 2021, ka sngi rakhe ïaka jingioh laitluid ka Ri India na ka bor synshar u dohlieh da ka jingburom bad ka jingsngewsarong.ha ki ïing ki sem, building, ki shlem ai jinghikai, ki skul bad kiwei kiwei ki jingtei.

Kane ka jingkhot bad ka jingwer u DC Jowai ia u paidbah kadei hadien ba kala don ka jingbyrngem ban pynher iaki lama lai rong ka ri ha khmat ki ñiut haka sngi laitluid na ka jingpyrshah sorkar ban dawa pynkynriah iaka ñiut na Jowai.

Ka khubor kaba sngewtynnad ka long ba baroh ki synjuk Waheh Shnong War Jaintia, Jowai, Ri Jaintia bad ki 9 shnong kila wan ha juh ka sur ban ailad iaka sorkar khamtam ka tnad Urban Affairs (Jowai Municipal Board) ban pynlang iaki ñiut na sor Jowai bad ban bret ha Mynkjai haduh lai bnai.

Kila dawa na ka sorkar ba hapoh kine ki lai bnai ka dei ban wad iaka jaka pura ban bret ñiut ka sor Jowai.

Ha u kyrwoh la ong ba katkum ka Amendment of the Prevention of Insults to National Honour Act, 2005 ba kino kino ki riew paidbah lane ha kino kino ki jaka kiba lah ban iohi paidbah la khang pyrshah ban thang, pynjulor, ban thoh pynsniew dur bad kiwei kiwei lad kiba pynjah ne thad iaka burom ka lama jong ka Ri India lane ka riti synshar jong ka ri kin shah pynshitom da kaba shah set phatok kaba lah ruh ban pynjlan haduh lai snem bad ka kuna lane baroh ar ki jingpynshitom.

Kumta la ong “Ka jingbymburom iaka lama ka Ri India ka mut ba ka dei ka jingleh pyrshah aiñ kaba ktah iaka burom ka ijot jjong ka Ri,”