Pynher krad ka KSU bad FKJGP ïa u doktor jakoid ha Namdong

Syllad | The Rising MeghalayaSeptember 17, 2021

Ka Khasi Students’ Union (KSU) Namdong Unit bad ka Federation of Khasi Jaintia and Garo People (FKJGP) Thadlaskeiñ Unit kala pynher krad ïa u wei u doktor jakoid uba ai dawai klumar iaki paidbah haka shnong Namdong.

Ki nongialam ka FKJGP bad KSU hadien ba kila ioh jingtip ba don u doktor jakoid uba leh mynleh kum u doktor bad leit ha manla ki thliew ïing ban ai dawai kila apthap ia u bad haka miet sngi Balang kila ioh bat bad beh krad ia u na katei ka shnong.

Une u doktor jakoid udei uba na West Karbi Anglong bad u don iaka pharmacy ha Umpawiang, la ong ki nongialam ka KSU bad FKJGP.

Ha kane ka jingioh bat ia une u doktor jakoid la iadonlang ruh u secretary shnong ka Namdong B ma Apostol Shadap.

Haba kylli, ki nongialam ka KSU bad FKJGP kila iathuh ba une u briew ula ioh ban ai drip ia kawei ka briew bad um lah satia ban pyni iaki kot ki sla ba u dei u doktor.

Ka shnong bad kine ki sengbhalang kila beh ia u bad maham ba um bit shuh ban wan sha katei ka shnong.