Pynhiar dor iaka petrol & diesel, pyntreikam iaka bai kit bai bah cement ong ka JCCTA iaka MDA

Syllad | The Rising MeghalayaMay 6, 2020

Ka Jaintia Cement and Clinker Transporters’ Association (JCCTA) kala pynpaw iaka jingbynniaw hadien baka sorkar Jylla kala pynkiew dor iaka Umphiang petrol bad diesel kaba wanrah ka jingduh nong haka kit ka bah iaki mar ki mata ha kylleng ka jyll bad sha kiwei ki jylla.

Ka JCCTA kala ong ba ka dor jong ka Diesel ka long T. 67.45 tyngka shi litre katba ka petrol pat ka long T.74 tyngka shi litre bad kane ka jingkiew dor kadei hadien baka sorkar jylla ka la pynkiew ia ka khajna jong ka Value Added Tax (VAT).

U Balen Thubru, President ka JCCTA, ula ong ba ban pynpoi ia ki mar ki mata ha kylleng ka jylla bad sha bar jylla mynta kala ktah bha namar ba kiew dor ka umphniang petrol bad diesel.

“Ka sorkar ka la dep ban buh ia ka dor bai kali haba shallan ia ki cement bad clinker hapoh jylla bad shabar ruh katkum ka Notification jong ka tnad Transport, hynrei ki company dewbilat bapher bapher kiba don ha East Jaintia Hills kim treh ban bud iaka hukum jong ka sorkar ban nion ïaki trok, kaba wanrah iaka jingduhnong,” ong u Balen Thubru.

Katkum ka dor jong ka sorkar lyngba ka Notification kaba naduh u August 2018, ki Company Cement ki dei ban siew ia ka bai kali kaba shongdor T. 0.70p ha ka shiton na ka bynta shi kilometre, hynrei ki Company ki la kyntait ban burom bad ban pyntreikam ia katei ka hukum ka sorkar, u la ong u ma Thubru bad dawa ruh naka sorkar ka dei ban pynhiar dor ia ka umphniang ban im lang u paidbah bad ki trai trok bad ban bthah iaki kharkhana ban pyntreikam iaka hukum jong ka tnad Transport.

Kumban shu pynkynmaw ba dangshen u ka Congress kaba don ha Liang Pyrshah kala dawa naka Sorkar Meghalaya Democratic Alliance (MDA) ba kan pynsangeh ïa ka rai ban pynkiew ïa ka Value Added Tax (VAT) jong ka petrol bad ka diesel.

U Nongïalam ka Liang Pyrshah Dr Mukul Sangma, uba la phah da ka shithi sha u Myntri Rangbah ka Jylla Conrad Kongkal Sangma bad ula dawa ban pynkylla noh iaka oh khajna ne ban pynheh iaka VAT jong ka petrol bad diesel ha kum kane ka pork a saw ka sain ban iakhun iaka khlam COVID-19.