Pyniaid u DC-WJH ia ka jingialang pynkhreh na ka bynta ka “6th Meghalaya Games”
U Deputy Commissioner ka West Jaintia Hills District ha ka 22 tarik mynta u bnai u la pyniaid ia ka jingialang kaba nyngkong kum ka jingpynkhreh na ka bynta ka jingpynlong ia ka “6th Meghalaya Games” ka ban long ha Jowai bad Wahiajer West Jaintia Hills ha u snem 2025.
Ia kane ka jingialang la pynlong hapoh Conference Hall jong ka ophis u Divisional Soil & Water Conservation Officer ha West Jaintia Hills, Jowai.
![](https://www.syllad.com/wp-content/uploads/2024/09/JIT-Vacancy-823x1024.avif)
Ia kane ka jingialang la ialam da u Deputy Commissioner ka District u Bah BS Sohliya IAS, ha ryngkat ki dkhot na ka Meghalaya State Olympics Association (MSOA) kaba kynthup ia u President u Bah JF Kharshiing, General Secretary Bah Finely Pariat, bad u District Sports Officer u Bah Khroobok Passah.
Nalor kata kiwei pat kiba la ia don lang ha kane ka jingialang ki kynthup ruh ia u Assistant Directorate of Sports Department u Bah PB War Nongbri, ki dkhot na ka West Jaintia Hills District Sports Association bad ki nongmihkhmat na ki tnad bapher bapher kum ka PHE, PWD, MePDCL, Tourism Department, Kolej, Skul, Nongialam Shnong, President ka Seinraij President bad ki dkhot na ka State Sports Council Meghalaya.
![](https://www.syllad.com/wp-content/uploads/2024/07/Meghalaya-Games-Meeting-jpg.avif)
Ki jingiakren ha kane ka jingialang ki long ruh halor ki jaka pynlong bad ki jaka sah ba la tyrwa, ka jingpynbeit ia ka leit ka wan, ka jingpynpoi ia ka bam, bad ka jingpynkhreh ia ki volunteer na ka bynta kane ka jingialehkai ka ban wan nalor kiwei pat.
Nalor kata la pynpaw ba ka Meghalaya State Olympics Association ka thmu ban kynthup ia ki 25 tylli ki jait jingialehkai bad 4 tylli ki jingialehkai ba la pyni, ha kaba la khmih lynti ba palat 5000 ngut ki nongiashim bynta, kynthup ia ki official kin wan iashim bynta ha kane ka lympung ialehkai.
Leave a Reply