Pyniap dusmon u lok iala ka lok, bret iala u khun 7 snem sha wah ha Jowai Bypass
Uwei u briew ula shah kynnoh ba ula pyniap dusmon iala ka jong ka lok bad bret ia u khun ba 7 snem sha ka wah kham pajih nala shnong kaba don ha surok Jowai Bypass ban burieh iaka kam sniew jong u ha ka shnong Mihmyntdu, West Jaintia Hills District.
Ka khubor kaba iohlum ka iathuh ba kane ka jia kala jia haka Sngi Nyngkong haka por kumba 4 baje mynstep.
La suba jur ba uba donkti u dei u lok kane ka longkmie u Fortunate Pala.
Ka tyllong khubor ka iathuh ba une u Fortunate Pala uba khot sin Ma Pala la kynnoh ba hynne ka step haka por kumba 4 baje mynstep hadien bala dep bom dep shoh iaka lok kaba kyrteng ka Nimai Phawa ula sdien iaka ha u tyllai phasi. Kane ka jingjia kala jia ha iing sah jong ki hi.
La iathuh ruh ban burieh ia kane ka kam ula leit bret iala u khun ba 7 snem haka wah kham pajih na ka shnong ha Jowai Bypass na ka dong kaba ki sah Nein Shnong Mihmyntdu. U ne u Pala u mut ba u khun jong u ruh ula iap, pynban une u khynnah ula lait im na ka jingiap jyllop bad ula wan iathuh lut iaka jingjia ha kiba iing bad ki nongshong shnong.
U Waheh Shnong Mihmyntdu ma Abul Phawa ula ong ba dangshen la ujor kawei ka Ejahar haka 30 Jylliew pyrshah ia une u Fortunate Pala halor ka jinglehbein iaka lok ha Jowai Police Station bad kine ki shi lok kila ia suk.
Hynrei mynta ka sngi pat kala jia noh kane ka jingjia kba sngewsih la ong u Waheh Shnong.
Ki pulit jong ka Jowai Police Station kila shimti iaka metiap bad ka jingtohkit kala iaid shakhmat.
Facebook
Instagram
Youtube
Twitter
Ka jingjia ba shyrkhei shisha. Kyrmen ba une u nonglehkam sniew un shah pynshitom ha ban da biang namar ka kam bymman jong u
Ka aiñ kam dei ban map ia kum kine ki riew thrangsnam ki bym don shuh ka jingiatiplem.
Leh ia u ruh da ka ba tyngeh bha khnang ha un sngewthuh kaei kata ka jingiap bad kumno kata k jing shah shoh kumba u shoh iala ka jong ka lok
oahoo.. hoi re kamni
l͎e͎h͎ i͎e͎i͎ w͎a͎ m͎ kam