Pynioh kali kit ñiut u Ma Kyrmen Shylla ïaka shnong Rymbai & Sohkymphor

Syllad | The Rising MeghalayaJanuary 28, 2020

RYMBAI: U Myntri ka tnad Revenue, Social Welfare bad kiwei kiwei u ma Kyrmen Shylla ula aiti ïaki ar tylli ki kali kit ñiut sha ka shnong Rymbai bad ka shnong Sohmymphor haka sngi ba ar.

Ïa kine ki kali la aiti haka jingïalang kaba lyngkot kaba long ha Rymbai bad Sohkymphor.

U Ma Kyrmen Shylla ula ïathuh ba kane ka kali kit niut (truck 407) ula pynïoh lyngba ka skhim Chief Minister Special Rural Development Fund (CMSRDF) jong u snem 2019-20 hadien ba ula ïohi ïaka jingbret ñiut pathar ki paidbah nongshong shnong katba shaba lap bas hem.

Ula kyntu ïa kine ki ar shnong ban pyndonkam hok ïa kine ki kali bad ban jur ïaki nongshong shnong ban pynlong ïaka shnong ka thaw kaba khuid kaba suba.

Kiba iadonlang ha kane ka jingaiti ia kine ki kali ki kynthup ïa u MDC ka thain u Finelyness Bareh, u Acting Dolloi ka Elaka Rymbai u LK Swer, u Blase-use Rymbai Secretary Shnong bad u Tbn. HR. Rymbai haka jingialang kaba la pyniaid da u Waheh Shnong u Justice Lyngdoh.

Ha kane ka juh ka sngi u Ma Kyrmen ula hiar sha ka shnong Sohkymphor ban aiti ïaka kali kit ñiut sha ka shnong.

Ïa kine ki juh ki kali u Kyrmen Shylla ula lah ban pynïoh ïaka shnong Byndhihati bad thain San Shnong.