Pynioh khaw u ma Kyrmen bad u Phasmon haka shnong Pamrapaithlu, sngewnguh ka shnong

Syllad | The Rising MeghalayaApril 29, 2020

Ka Shnong Pamrapaithlu kala ioh ban sam ia u khaw bala ai  u MLA ka thain uba long ruh u Myntri sorkar Ma Kyrmen Shylla haduh 50 byrni, katba u MDC ka thain u ma Phasmon Dkhar 40 byrni.

U Waheh Shnong Pamrapaithlu ma Leningstar Rymbai ula iathuh ba ia une u khaw kila sam sha u paidbah haka sngi baa r bad ula pynpaw ka jingsngewnguh ïa kine ki ar ngut ki nongmihkhmat ka thain kiba la lah ban pynioh ïa u khaw ha kum kane ka por ba hiran ka ioh ka kot u paidbah n aka jingkhang khyrdep ban iakhun pyrshah iaka khlam COVID-19.

“Ka shnong jong ngi kadei kaba ba bun kii longïing ki ba duk, kiba im da kaba bylla sngi bad kiba bam na kti ha ktien bad haba peit ïaka jingjynjar nga i sangsot bad ngam lah leh eiei, hynrei ka jingphaikhmat kine ki ar ngut ki nongmihkhmat sha ka shnong kala long ka jingkyrkhu kaba khraw ban ïoh sam ïa kine ki mar bam,” la ong u ma Leningstar.

Kane ka jingwan ai mar bam kine ki nongmihkhmat ka ai ka jingkyrmen ia u paidbah ban don ka jingsngewskhem bad shaniah ha ki nongmihkhmat khamtam ba ki lah ban iarap ha kum kane pork a jingiakhun pyrshah iaka khlam kaba ki paidbah ki hap ban shong ha iing.

Ka shnong ka ai khublei bad kitbok kitwiang ia kine ki nongmihkhmat ba kin lah ban trei khambha bad ban ai ka jingshakri kaba pura hapoh ka thain baroh kawei.

Ka Pamrapaithlu ka ai khublei lang ia ka Sorkar bad ia u Deputy Commissioner ka district lem bad Ka tnad Supply ha kine ki taiew kaba la dep kila lah lah ban pynioh ïa u khaw ba duk naka skim PMGKAY.