Pynithuh ia kiba bit pang COVID-19 ha Khliehriat

Syllad | The Rising MeghalayaJuly 22, 2020

Ka East Jaintia National Council (EJNC)- Khliehriat Circle kala kyntu iaka tnad ka koit ka khiah bad ka ophis u Deputy Commissioner, East Jaintia Hills ban pynithuh iaki 2 ngut ba ioh COVID-19 ha Khliehriat hynnin ka sngi ba Ar.

“Da ka ba pynithuh iaka kyrteng jong kine ki nongpang kan pynsuk iaki paidbah ban tip la ki la iakynduh bad kine ki 2 ngut kiba la iabit khlam Coronavirus,” ong u Evident Tariang president EJNC Khliehriat Circle.

Ka jingbuhrieh iaka kyrteng kiba iabit khlam kala pynklumar bad pynher syrngiew iaki paidbah namar ba kine ki briew kila iaid la ieng ha kylleng ka Khliehriat, ka District Headquarter jong ka East Jaintia Hills. Kine kiba la bit khlam nalor ka shnong Khliehriat East, Khliehriat West kila leit ruh sha Deinchynrum, Lad Sutnga, Mookympad, Sookilo ne don ka jingiakynduh bad katto katne ki briew kiba na kitei ki shnong.

Iohkem pang COVID-19 sa 2 ngut ha Khliehriat, pynbna ‘Containment Area’ iaki 6 tylli ki shnong

Ka EJNC ka sngew baka por kala dei iaka sorkar ban pynpaw kyrteng ia kiba ioh COVID-19 khnang baki paidbah ki lah ban iada bad pynithuh ialade la kila ia kynduh bad kine kiba iabit khlam, khnang ba kan pynsuk iaka Sorkar ban tem iaka jingpur bad shaphriang ka khlam COVID-19.

East Jaintia Hills admin declares six villages as containment areas