Pynjari kyndon144 u DM ka Eastern West Khasi Hills ia ki nongdie doh

Syllad | The Rising MeghalayaJuly 27, 2023

U District Magistrate ka Eastern West Khasi Hills District shibynta ban bud ryntih ia ka hukum ba la pymih da ka Iingshari High Court ka Meghalaya na ka bynta ka PIL No. 2 jong u snem 2021 kaba ha ka 26 tarik u Jymmang mynta u snem, u la pynmih hukum hapoh ka Section kaba 144 jong ka CrPC ka ba khang pyrshah ia ka jingbuh ne jingwah pathar ia ka doh khlem kano kano ka jingda, jingtap ne jingker kiba biang da ki nongdie doh kiba ju die doh hapoh ka distrik.

Na ka liang u District Magistrate u la ong ba kane ka jingbuh bad jingwah pathar ia ka doh da ki nongdie doh ka lah ban wanrah ka jingjaboh jong ka doh lyngba ki pumpum bad ka lah ruh ban pynsniew ia ka doh kaba lah ban wanrah kylla ia ki jingpang sha ki nongbam ia ka.

Kumta  ruh la pynmih ia kane ka hukum kum shibynta ban pynthikna ba la leh bha bad leh thikna ia ka rukom ot bad rukom buh ia ka doh da ki nongdie doh bad ka rukom ri ia ki mrad da ki paidbah kiba ju ri ia ki, kaba kynthup ruh naduh ka rukom kit rukom bah ia ki mrad ban ri lane ban bam doh.

La kyntu ruh ia kino kino ki nongshong shnong kiba shah ktah ha katei ka hukum ki lah ban leit mih sha ki bor ba dei khmih halor kane ka bynta, bynrap shuh shuh ka hukum jong u District Magistrate.

Image by -Rita-👩‍🍳 und 📷 mit ❤ from Pixabay