Pynjari u District Magistor da ka kyndon aiñ 144 CrPC ha wah Kynshi

Syllad | The Rising MeghalayaOctober 13, 2022

Kum shibynta ban iada ia ki dohum dohwah kiba don ha ka wah Kynshi, u District Magistor, Eastern West Khasi Hills District ula pynjari da ka kyndon aiñ 144 CrPC bad u la khang pyrshah ia ka jingber ia kino kino ki jait dawai ha ka wah Kynshi bad ha ki wah kiba don markhap bad ka.

Ia kane ka hukum la pynmih haka sngi Palei hadien ba la ioh jingujor halor ka jingdon jong ki briew kiba ju ber da ki dawai ha ka por mynmied ban kem dohkha na ka wah Kynshi bad ki wah ba iakhap bad ka .

Katkum ka hukum u District Magistrate, ka jingber dawai ha ki wah ka pynjaboh bad pynlong bih ia ki bad ka wanrah kylla ia ka jingiap jong ki dohum dohwah.

Ka hukum ka ong ba kino kino kiba pynkhein ia kane ka hukum kin shah pynshitom katkum ka section ba 188 jong ka Indian Penal Code.